Геодезија - трет циклус

Студиите на третиот циклус по геодезија во рамките на Градежниот факултет – Скопје за прв пат се организираат во студиската година 2021/2022. Главната цел на студиската програмата на трет циклус студии по геодезија е да понуди напредни мултидисциплинарни знаења од полето на геодезијата и клучните нејзини области и подобласти.

Раководител на Советот за докторски студии по геодезија e вонр. проф. д-р Златко Богдановски.

Секретар Весна Стојковска

Раководител на одделението за студентски прашања Ивона Татабитовска

Член д-р Сусинов Бојан

Карта на студиска програма за геодезија

Студиската програма за трет циклус студии по геодезија по обем е организирана во соглас-ност со Законот за високото образование, како и Правилникот за трет циклус студии при УКИМ. Студиската програма се состои од два главни дела:

1. Обука за истражување и едукација во обем од 42 ЕКТС – кредити.
2. Изработка на предлог докторски проект, истражување, учество на годишни конферен-ции и семинари, мобилност, учество на меѓународни собири, изработка и одбрана на докторска дисертација во обем од 138 ЕКТС – кредити.

Обука за истражување и едукација

Организираната академска обуката за истражување и објавување резултати се состои од три предмети за стекнување генерички знаења и вештини за истражување, што изнесува 12 ЕКТС-кредити и тоа:

• Етика во научноистражувачката работа (3 EKTС);
• Методологија на научно истражувачка работа (3 EKTС);
• Eден предмет од листа на изборни предмети од третата група предмети за стекнување на генерички знаења и вештини за истражување – Универзитетска листа на изборни предмети од трет циклус на студии (6 EKTС).

Делот на едукацијата опфаќа предмети од полето, пошироката и потесната област на истражување, што изнесува 30 ЕКТС – кредити.

Наставните предмети од делот за Едукација на студиската програма од трет циклус студии по геодезија се поделени во три групи:

• Група A – наставни предмети од областите на математика и иформатика;
• Група Б – наставни предмети од пошироката област на истражување и
• Група В – наставни предмети од потесната област на истражување.

Активности во прв семестар од докторските студии

Активности во вториот семестар од докторските студии

Делот на едукацијата како што беше погоре истакнато е во обем од 30 ЕКТС кредити и опфаќа пет наставни предмети кои ги избира кандидатот во договор со менторот:

• Еден наставен предмет од група А, од областите на математика и информатика; (Во зависност од потребите на кандидатот и во согласност на менторот, изборот на предмет од областа на математика и информатика може да се спроведе на друга единица од Универзитетот „Св. Кирил и Методиј“, на друг државен универзитет, или на универзитети во Европа и светот со кои Универзитетот има склучено билатерални договори за соработка).
• Еден наставен предмет од група Б, од пошироката област на истражување и
• Три наставни предмети од група В, од потесната област на истражување.

Едукацијата се спроведува од страна на Градежниот факултет во Скопје. Дел од едукацијата, по избор на кандидатот, а со согласност на менторот, може да се спроведе на друга единица од Универзитетот „Св. Кирил и Методиј“, на друг државен универзитет, или на универзитети во Европа и светот со кои УКИМ има склучено билатерални договори за соработка.

Aктивна истражувачка работа и изработка на докторска дисертација

Во вториот семестар, почнувајќи со подготовка на предлог-проект за докторскиот труд, кандидатот започнува со изработката на докторската дисертација, што ги опфаќа следниве активности:

• независен истражувачки проект за изработка на докторскиот труд под менторство (докторски проект), што содржи истражувачка работа под менторство и поднесување на предлог-докторски проект за изработка на докторски труд и се вреднува со 41 ЕКТС-кредити;
• меѓународна мобилност, најмалку еднонеделен престој, што се вреднува со 6 ЕКТС-кредити;
• предавања и друг вид комуникациски активности, што содржи учество на семинари и конференции, што се вреднува со 18 ЕКТС-кредити;
• објавување во референтни научни публикации и активно учество на меѓународни собири во врска со докторскиот труд, што се вреднува со 27 ЕКТС-кредити;
• изработка и јавна одбрана на докторски труд врз основа на докторски проект, што се вреднува со 46 ЕКТС-кредити.

Активности во трет семестар од докторските студии

Активности во четврти семестар од докторските студии

Активности во петти семестар од докторските студии

Активности во шести семестар од докторските студии

Документи и корисни линкови

• Листа на предметни програми
• Содржина на предметни програми
• Задолжителни и изборни активности
• Структура на студиите, динамика на студирање, обврски на студентите
• Елаборат за акредитација на студиската програма